ໝວດ: ການສື່ສານ.
ປະເພດ: ຂະບວນການ.
ເວລາ: ຂະບວນການຕໍ່ເນື່ອງ.
ການໝຸນໃຊ້: ໃຊ້ໃນຊີວິດປະຈຳວັນ.
ບົດຮຽນການໝຸນໃຊ້ໂດຍ: ADWLE
“Workshop ຫົວຂໍ້ ການໃຫ້ຄວາມຮູ້ ຫົວຂໍ້ ການຢຸດຕິການໃຊ້ຄວາມຮຸນແຮງຕໍ່ແມ່ຍິງ ຄອບຄົວ ຄົນພິການ ແລະ ການຈໍາແນກ”“Workshop ຫົວຂໍ້ ການໃຫ້ຄວາມຮູ້ ຫົວຂໍ້ ການຢຸດຕິການໃຊ້ຄວາມຮຸນແຮງຕໍ່ແມ່ຍິງ ຄອບຄົວ ຄົນພິການ ແລະ ການຈໍາແນກ”
ກິດຈະກໍານີ້ຖືກປະຕິບັດໃນງານ youth day 2022 ເພື່ອເປັນການສົ່ງເສີມການຫຼຸດຜ່ອນການໃຊ້ຄວາມຮຸນແຮງຕໍ່ແມ່ຍິງ ຄອບຄົວ ຄົນພິການ ແລະ ການຈໍາແນກຕ່າງໆ, ຮູບແບບຂອງກິດຈະກໍາແມ່ນເປັນການຮຽນຮູ້ແບບມີສ່ວນຮ່ວມ ໂດຍການຕັ້ງຄໍາຖາມໃຫ້ຄິດວິເຄາະເຖິງເຫດການທີ່ເກີດຂື້ນຈິງ ເຫດການສົມມຸດ (ທີ່ກ່ຽວຂ້ອງກັບເນື້ອໃນບົດຮຽນ), ພ້ອມທັງການບັນຍາຍເຖິງບັນດາກົດໝາຍທີ່ກ່ຽວຂ້ອງ ແລະ ການຍົກຕົວຢ່າງຈາກປະສົບການທີ່ເກີດຂຶ້ນຈິງຜ່ານມາ ໃຫ້ຜູ້ເຂົ້າຮ່ວມໄດ້ເຂົ້າໃຈຫຼາຍຂື້ນ.
ເປົ້າໝາຍ: ເພື່ອເປັນການໃຫ້ຄວາມຮູ້ພື້ນຖານກ່ຽວກັບການໃຊ້ຄວາມຮຸນແຮງໃນຮູບແບບຕ່າງໆ, ວິທີການໃຫ້ຄວາມຊ່ວຍເຫຼືອທີ່ຖືກຕ້ອງເມື່ອພົບເຫັນຜູ້ຖືກເຄາະຮ້າຍ, ຊ່ອງທາງໃນການຂໍຄວາມຊ່ວຍເຫຼືອ ແລະ ການເຂົ້າເຖິງບັນດາກົດໝາຍກ່ຽວກັບສິດທິພົນລະເມືອງລາວ.
ຄຳແນະນຳ:
· ການກະກຽມເນື້ອໃນທີ່ນໍາສະເໜີ ຕ້ອງໃຫ້ເໝາະສົມກັບກຸ່ມຜູ້ເຂົ້າຮ່ວມ ແລະ ເນັ້ນໃສ່ການມີສ່ວນຮ່ວມ
· ຄວນໃຫ້ມີການປະເມີນຄວາມເຂົ້າໃຈ, ຄວາມຕ້ອງການຂອງຜູ້ເຂົ້າຮ່ວມ ກ່ອນການຈັດກິດຈະກໍາ
· ໃຊ້ເວລາຢ່າງໜ້ອຍ 3 ຊົ່ວໂມງ ເພື່ອເວລາໃນການສົນທະນາຫຼາຍຂື້ນ
· ການນໍາສະເໜີໃນຮູບແບບພາວເວີ້ພ້ອຍ ແລະ ສົນທະນາແລກປ່ຽນໄປພ້ອມກັນໃນແຕ່ລະຫົວຂໍ້
ຂະບວນການ Workshop ຫົວຂໍ້
“ການໃຫ້ຄວາມຮູ້ ຫົວຂໍ້ ການຢຸດຕິການໃຊ້ຄວາມຮຸນແຮງຕໍ່ແມ່ຍິງ ຄອບຄົວ ຄົນພິການ ແລະ ການຈໍາແນກ”
ຄຳແນະນຳ:
ຂະບວນການຈະແບ່ງອອກເປັນ 2 ໄລຍະ ໄດ້ແກ່ ການສ້າງຄວາມເຂົ້າໃຈ ກ່ຽວກັບຂໍ້ມູນພື້ນຖານຂອງການໃຊ້ຄວາມຮູນແຮງ ເຊັ່ນ ຄວາມໝາຍ ປະເພດ ປັດໄຈທີ່ພາໃຫ້ເກີດການໃຊ້ຄວາມຮຸນແຮງ ຄວາມສໍາຄັນ ວິທີການແກ້ໄຂ-ຫຼຸດຜ່ອນການໃຊ້ຄວາມຮຸນແຮງ, ແລະ ການໃຫ້ຂໍ້ມູນທາງດ້ານກົດໝາຍກ່ຽວກັບສິດທິພື້ນຖານຂອງພົນລະເມືອງລາວ. ໃນຂະບວນການດັ່ງກ່າວນີ້ ຈະເຮັດໃຫ້ທ່ານສາມາດຮູ້ໄດ້ເຖິງຄວາມຈໍາເປັນຂອງຂະບວນການຈັດ Small Workshop ທີ່ມີເວລາຈໍາກັດ 2-3 ຊົ່ວໂມງ.
ຄວາມຮູ້ພື້ນຖານກ່ຽວກັບ ການໃຊ້ຄວາມຮຸນແຮງ
1. ທຸກຄົນແນະນໍາຕົວເອງ, ຫຼິ້ນເກມລະລາຍພຶດຕິກໍາ
2. ເຂົ້າສູ່ບົດຮຽນດ້ວຍຄໍາຖາມເປີດ ສົນທະນາຖາມຕອບລະຫວ່າງຜູ້ບັນຍາຍ ແລະ ຜູ້ເຂົ້າຮ່ວມ
2.1. ວິທີການຕ້ານຄວາມຮຸນແຮງ
– ຄວາມຮຸນແຮງແມ່ນຫຍັງ ? ມີຫຍັງແດ່ທີ່ບົ່ງບອກເຖິງວ່າແມ່ນຫານໃຊ້ຄວາມຮຸນແຮງ ?
– ໃຜມີຄວາມສ່ຽງໃນການຖືກໃຊ້ຄວາມຮຸນແຮງ
– ໃຜແດ່ເປັນຜູ້ໃຊ້ຄວາມຮຸນແຮງຕໍ່ແມ່ຍິງ ເດັກນ້ອຍ ?
– ຄົນໃນຄອບຄົວມີໃຜແດ່ ແລະ ໃຊ້ຄວາມຮຸນແຮງພາຍໃນຄອບຄົວແນວໃດ
2.2. ປັດໄຈທີ່ພາໃຫ້ເກີດການໃຊ້ຄວາມຮຸນແຮງ
– ສາເຫດທີ່ພາໃຫ້ເກີກການໃຊ້ຄວາມຄວາມຮຸນມາຈາກໃສແດ່?
2.3. ແລກປ່ຽນວັດທະນະທໍາ/ປະເພນີ ການແຕ່ງງານ/ ການແບ່ງໜ້າວຽກພາຍໃນຄອບຄົວ/ການແບ່ງແຍກໃນຄົວຕ່າງໆ ຈາກແຕ່ລະຄົນ 2-3ຄົນ ( ປະເພນີຕ້ອງບໍ່ຊໍ້າກັນ)
2.4. ສ້າງຄໍາຖາມສົນທະນາໃຫ້ທຸກຄົນໄດ້ຄິດ ວິເຄາະ ເຖິງສາເຫດທີ່ເກີດຄວາມຮຸນແຮງພາຍໃນຄອບຄົວ ແລະ ບັນຫາທີ່ເກີດຂື້ນໃນກໍລະນີແຕ່ງງານໄວ.
2.5. ທົບທວນຄືນກ່ຽວກັບການນໍາສະເໜີ ແລະ ສົນທະນາຜ່ານມາ ໃຫ້ທຸກຄົນມີສ່ວນຮ່ວມໃນການຕອບ
3. ສາຍ VDO ສັ້ນ 3-5 ນາທີ (2 ວີດີໂອ) ກ່ຽວກັບ ການຖືກທໍາຮ້າຍ ແລະ ການໃຊ້ຄວາມຮຸນແຮງພາຍໃນຄອບຄົວ
4. ທົບທວນຄືນກ່ຽວກັບຄວາມຮູ້ການເບີ່ງວີດີໂອ, ເຫັນຫຍັງແດ່ ແລະ ຮູ້ສຶກແບບໃດ? ວີດີໂອດັ່ງກ່າວສື່ເຖິງຫຍັງ?
ຂໍ້ມູນພື້ນຖານກ່ຽວກົດໝາຍ
1. ເປັນການນໍາສະເໜີກ່ຽວກັບກົດໝາຍ
– ສິດທິຂອງພົນລະເມືອງລາວ, ສິດທິແມ່ຍິງ, ສິດທິເດັກນ້ອຍ, ສິດທິຄົນພິການ, ຄວາມສະເໝີລະຫວ່າງຍິງຊາຍ
– ແນະນໍາອົງກອນທີ່ເຮັດວຽກກ່ຽວການໃຫ້ຄວາມຊ່ວຍເຫຼືອທາງດ້ານຍກົດໝາຍ/ທີ່ປຶກສາໃນການຊ່ວຍເຫຼືອເມື່ອພົບເຫັນຜູ້ຖືກເຄາະຮ້າຍ
– ຍົກຕົວຢ່າງຈາກປະສົບການ ໃນການເຮັດວຽກຂອງທະນາຍຄວາມທີ່ພົບພໍ້ ທັງຄວາມສະດວກ ແລະ ສິ່ງ ທ້າທາຍ
ສົນທະນາ ຖາມຕອບ ຈາກຜູ້ເຂົ້າຮ່ວມ.