ຄຳແນະນຳ:

ແບບຝຶກຫັດນີ້ຈະເຊີນຊວນໃຫ້ທ່ານໄດ້ບັນທຶກເລື່ອງຕະຫຼົກທີ່ເກີດຂຶ້ນກັບທ່ານ ຫຼື ກັບຜູ້ອື່ນ ພາຍໃນມື້ນີ້ ແລະ ໃຫ້ເບິ່ງວ່າເຫດການນັ້ນເກີດຂຶ້ນໄດ້ແນວໃດ. ການຂຽນແບບນີ້ ຈະຊ່ວຍໃຫ້ທ່ານໄດ້ເຫັນສິ່ງດີໆ ມຸມບວກ ໃນຊີວິດຂອງທ່ານ, ເຮັດໃຫ້ທ່ານມີຄວາມສຸກໄດ້ງ່າຍຂຶ້ນ ຈາກເລື່ອງທີ່ໃກ້ຕົນເອງ ແລະ ສົ່ງຜົນຕໍ່ສຸຂະພາບຊີວິດໃນໄລຍະຍາວ. ຂໍເຊີນຊວນໃຫ້ທ່ານໄດ້ເຮັດທຸກມື້ (ອາດຈະເປັນຕອນແລງ ກ່ອນນອນ, ໃຊ້ເວລາບໍ່ກາຍ 10 ນາທີ) ຈະເປັນການດີຫຼາຍ.

ຂັ້ນທີ 1: ທວນຄືນວ່າມີເລື່ອງຕະຫຼົກເລື່ອງຫຍັງແດ່ເກີດຂຶ້ນໃນວັນນີ້.

ທວນຄືນວ່າໃນມື້ນີ້ ມີເລື່ອງຕະຫຼົກທີ່ທ່ານໄດ້ຍິນ, ໄດ້ເຫັນ, ໄດ້ເຮັດ ຫຼື ມີສ່ວນຮ່ວມໃນເຫດການ, ໃຫ້ລະບຸມາ 3 ເລື່ອງ. ເຮັດແນວນີ້ ຈະຊ່ວຍໃຫ້ເຮົາໄດ້ທວນຄວາມຈື່ຈຳ ແລະ ເຂົ້າເຖິງຄວາມຮູ້ສຶກໃນທາງບວກຂອງຕົວເອງ.

ຂັ້ນທີ 2: ຈົດບັນທຶກເລື່ອງຕະຫຼົກ 3 ເລື່ອງ.

ຈົດບັນທຶກລົງໃນປື້ມຈົດ ໃຊ້ພາສາທີ່ທ່ານອ່ານແລ້ວເຂົ້າໃຈງ່າຍ ບໍ່ຕ້ອງສົນໃຈເລື່ອງຫຼັກໄວຍາກອນ. ເລື່ອງທີ່ຈົດ ປະກອບດ້ວຍ ຊື່ເລື່ອງ, ເຫດການທີ່ເກີດຂຶ້ນ ແລະ ສິ່ງທີ່ເຮັດໃຫ້ທ່ານຕະຫຼົກທີ່ສຸດ.

ຕົວຢ່າງ: ຂ້ອຍພິມຜິດໃນພາວເວີ້ພ້ອຍນຳສະເໜີງານ, ພໍອ່ານໄປ ກໍ່ຫົວໄປນຳ ຫົວຈົນບໍ່ສາມາດນຳສະເໜີຕໍ່ໄປໄດ້ ຈົນຕ້ອງໄດ້ຢຸດການນຳສະເໜີ ແລະ ໃຫ້ຄົນອື່ນຂຶ້ນໄປນຳສະເໜີແທນ.

ຂັ້ນທີ 3: ບອກເຫດຜົນວ່າແຕ່ລະເລື່ອງເກີດຂຶ້ນໄດ້ແນວໃດ.

ຂຽນອະທິບາຍວ່າ ເຫດການທີ່ຂຽນມາເກີດຂຶ້ນໄດ້ແນວໃດ, ເກີດຈາກສາເຫດໃດ, ທ່ານເປັນສາເຫດໃຫ້ເກີດເຫດການນັ້ນຫຼືບໍ.