ກ່ອນການສ້າງຄວາມເຂົ້າໃຈ:

·       ພະນັກງານມີຄວາມຮູ້ເລື່ອງການສື່ສານ ໂດຍສະເພາະການໂນ້ມນ້າວຈິດໃຈ ແລະ ການສ້າງແຮງຈູງໃຈ.

·       ພະນັກງານມີທັດສະນະຄະຕິທີ່ຖືກຕ້ອງໃນເລື່ອງຄວາມພິການ ແລະ ການບໍ່ຈຳແນກ.

·       ພະນັກງານມີຂໍ້ມູນໃນເລື່ອງວິຊາຊີບ.

·       ປະສານສົມທົບກັບອຳນາດການປົກຄອງບ້ານ ເພື່ອສ້າງຄວາມເຂົ້າໃຈທີ່ຖືກຕ້ອງ.

·       ສຶກສາຂໍ້ມູນ ແລະ ປະເມີນຄວາມຕ້ອງການເບື້ອງຕົ້ນຂອງຜູ້ມີຄວາມພິການທີ່ຕ້ອງການຮຽນ.

·       ປະສານງານຫາກະຊວງແຮງງານແລະສະຫວັດດີການສັງຄົມເມືອງແລະແຂວງໃນການຂໍຂໍ້ມູນສະຖິຕິຄົນພິການ

·       ກະກຽມແບບຟອມສໍາພາດຜູ້ພິການ

ລະຫວ່າງການສ້າງຄວາມເຂົ້າໃຈ:

·       ສ້າງບັນຍາກາດເປັນກັນເອງ ໂດຍການສົນທະນາເລື່ອງທົ່ວໄປກ່ອນ ບໍ່ເຂົ້າເນື້ອໃນທັນທີ.

·       ໃຫ້ຂໍ້ມູນຢ່າງກົງໄປກົງມາ.

·       ປະເມີນຄວາມຕ້ອງການຂອງທຸກຝ່າຍ ໂດຍການໃຊ້ແບບຟອມສໍາພາດ

·       ອະທິບາຍໃຫ້ເຂົ້າໃຈເຖິງຂະບວນການຮຽນການສອນ

·       ອະທິບາຍເຖິງເງື່ອນໄຂທີ່ພວກເຮົາຮັບຜິດຊອບເຊັ່ນ: ຄ່າໃຊ້ຈ່າຍໃນການຮຽນທາງເຮົາຮັບຜິດຊອບ, ສະຖານທີ່ອໍານວຍຄວາມສະດວກໃນການພັກເຊົາ ແລະ ສະຖານທີ່ສໍາລັບຮຽນ-ສອນ, ສະໜອງອຸປະກອນສໍາລັບການຮຽນໃຫ້

·       ແນະນໍາກ່ຽວກັບວິຊາສະເພາະທີ່ຈະໄດ້ຮຽນເຊັ່ນ: ຕັດຫຍັບ, ຕໍ່າຫູກ, ຄອມພິວເຕີ້… 

ພາຍຫຼັງການສ້າງຄວາມເຂົ້າໃຈ:

·       ໃຫ້ຂໍ້ມູນຄວາມຄືບໜ້າຂອງຜູ້ມີຄວາມພິການກັບພໍ່ແມ່ເປັນແຕ່ລະໄລຍະ ຢ່າງຕໍ່ເນື່ອງ.

·       ອະທິບາຍໃຫ້ເຂົ້າໃຈເຖິງຂະບວນການເດີນທາງ, ຫຼັງຈາກຮຽນຈົນຈົບ ມີທຶນຂະໜາດນ້ອຍ ແລະ ຊອກບ່ອນເຮັດວຽກ ຕາມຄວາມສົນໃຈ ແລະ ຊໍານານ

·       ມີການຕິດຕາມຜົນຫຼັງຈາກຮຽນຈົບ ໂດຍການໃຊ້ແບບຟອມສໍາພາດ, ໂທສໍາພາດ, ລົງພື້ນທີ່ສໍາຫຼວດຕົວຈິງ