ມີຄົນກຸ່ມໜຶ່ງ ທີ່ເຮົາພົບວ່າມີຄວາມຫຍຸ້ງຍາກຫຼາຍໃນການສ້າງສາຍສຳພັນນຳ ແຕ່ຄົນເຫຼົ່ານັ້ນກໍ່ມີເພື່ອນ, ມີຄອບຄົວ, ມີຊີວິດທາງສັງຄົມຂອງເຂົາ, ມີຄົນຫຼາຍຄົນທີ່ສາມາດສ້າງສາຍສຳພັນທີ່ດີກັບຄົນກຸ່ມນັ້ນໄດ້ ແຕ່ເປັນຫຍັງ ມີຄົນອີກຫຼາຍຄົນເບິ່ງວ່າ ການສ້າງສາຍສຳພັນກັບຄົນເຫຼົ່ານັ້ນເປັນຄວາມທ້າທາຍ. ຄວາມເຊື່ອ ແລະ ທັດສະນະຄະຕິຂອງເຮົາ ມີຜົນຕໍ່ການເບິ່ງຄົນ ແລະ ສົ່ງຜົນຕໍ່ການສະແດງອອກຂອງເຮົາໃນທີ່ສຸດ. ຄົນທຸກຄົນກໍ່ມີທັງດີ ແລະ ບໍ່ດີ ແຕ່ຕົວເຮົາມັກຈະຊອກຫາຂໍ້ມູນທີ່ມາສະໜັບສະໜູນຄວາມເຊື່ອ ແລະ ທັດສະນະຄະຕິຂອງຕົນເອງໃນການຕັດສິນຄົນໆ ນັ້ນ. ແນວໃດກໍ່ຕາມ ເຮົາສາມາດເລືອກເບິ່ງພຶດຕິກຳຂອງຄົນໃຫ້ເປັນຈຸດແຂງຂອງເຂົາ ແລະ ຮຽນຮູ້ທີ່ຈະເຂົ້າເຖິງເຂົາ ເປັນຄວາມທ້າທາຍທາງບວກ.

ການບອກວ່າ ພຶດຕິກຳໃດ ເປັນພຶດຕິກຳທີ່ຫຍຸ້ງຍາກ ຕ້ອງເລີ່ມຕົ້ນທີ່ຕົວເຮົາ. ເຮົາບໍ່ສາມາດປ່ຽນແປງຄົນອື່ນໄດ້ ແຕ່ເຮົາສາມາດປັບປ່ຽນມຸມເບິ່ງຂອງເຮົາໄດ້. ຖ້າເຮົາຊອກຫາຄວາມຜິດພາດຂອງເຂົາ ເຮົາກໍ່ຈະພົບວ່າພຶດຕິກຳຂອງເຂົາບໍ່ໜ້າປາດຖະໜາ. ແຕ່ຖ້າເຮົາສຸມໃສ່ໃນມຸມທີ່ເປັນບວກ ທັງຕົວຄົນ ແລະ ພຶດຕິກຳ ເຮົາກໍ່ຈະບໍ່ໃຈຮ້າຍກັບສິ່ງທີ່ເກີດຂຶ້ນ.

ແບບຝຶກຫັດນີ້ ຈະຊ່ວຍໃຫ້ເຮົາໄດ້ຮູ້ທັນກັບການຄິດໃນມຸມລົບຂອງຕົວເອງ ຕໍ່ຄົນໃດຄົນໜຶ່ງ ແລະ ຈະຊ່ວຍໃຫ້ເຮົາໄດ້ເຫັນຈຸດແຂງ ທີ່ຈະນຳມາຊ່ວຍໃນການວິເຄາະພຶດຕິກຳທີ່ຫຍຸ້ງຍາກຂອງຄົນ.

ຂັ້ນທີ 1: ຄິດຫາຄົນທີ່ມີຄວາມຫຍຸ້ງຍາກ.

ໃຫ້ທ່ານລອງໃຊ້ເວລາເພື່ອຄິດຫາຄົນທີ່ທ່ານພົບວ່າມີຄວາມຫຍຸ້ງຍາກໃນການພົວພັນນຳ. ອາດຈະເປັນໝູ່ຢູ່ຫ້ອງການ ຫຼື ອາດຈະເປັນສະມາຊິກໃນຄອບຄົວ. ເມື່ອເລືອກໄດ້ແລ້ວ ໃຫ້ທ່ານນຶກເຖິງເຫດການທີ່ເຮັດໃຫ້ທ່ານພົບວ່າພຶດຕິກຳຂອງລາວມີຄວາມທ້າທາຍ.

ຈົບບັນທຶກສິ່ງທີ່ເປັນລົບເຫຼົ່ານັ້ນໄວ້ ທັງຕົວບຸກຄົນ ແລະ ພຶດຕິກຳທີ່ຫຍຸ້ງຍາກ (ເບິ່ງໃນເອກະສານຄັດຕິດ ຂ).

ຂັ້ນທີ 2: ກວດສອບພຶດຕິກຳທີ່ຫຍຸ້ງຍາກ.

ໃນຂັ້ນນີ້ ຈະລົງລາຍລະອຽດພຶດຕິກຳທີ່ມີຄວາມຫຍຸ້ງຍາກ ໂດຍການຕອບຄຳຖາມໄປເທືອລະຂໍ້.

1. ບັນຍາຍເຖິງສະຖານະການຢ່າງລະອຽດ: ເກີດຫຍັງຂຶ້ນແທ້?

2. ໃນຕອນນັ້ນເຈົ້າມີອາລົມແນວໃດ?

3. ອາລົມຂອງທ່ານສົ່ງຜົນຕໍ່ປະຕິກິລິຍາໃນທາງລົບຕໍ່ຄົນນີ້ແນວໃດ?

4. ຄວາມເຊື່ອສ່ວນຕົວຂອງທ່ານສົ່ງຜົນຕໍ່ປະຕິກິລິຍາຕໍ່ຄົນນີ້ແນວໃດ?

5. ສົມມຸດຕິຖານຂອງທ່ານກ່ຽວກັບຄົນນັ້ນ ແລະ ພຶດຕິກຳຂອງເຂົາເຈົ້າ ແມ່ນແນວໃດ?

ຂັ້ນທີ 3: ເບິ່ງພຶດຕິກຳທີ່ຫຍຸ້ງຍາກ ຈາກມຸມເບິ່ງທີ່ແຕກຕ່າງ.

ໃຫ້ເບິ່ງຄືນພຶດຕິກຳທີ່ຫຍຸ້ງຍາກໃນຂັ້ນທີ 1 ຂຽນໃສ່ຕາຕະລາງຂ້າງລຸ່ມ ຈາກນັ້ນໃຫ້ພິຈາລະນາວ່າ ເຮົາຈະມອງມຸມບວກໃນພຶດຕິກຳທີ່ຫຍຸ້ງຍາກໄດ້ແນວໃດແດ່ (ອ້າງອີງເອກະສານຄັດຕິດ ກ) ຂຽນໃສ່ຖັນຄຸນລັກສະນະທາງບວກ ໃນຕາຕະລາງຂ້າງລຸ່ມ.

ຂັ້ນທີ 4: ສະທ້ອນຄືນ.

ເອກະສານຄັດຕິດ ກ: ຂອບຂອງການໃຊ້ຈຸດແຂງ.

ເອກະສານຄັດຕິດ ຂ: ຕາຕະລາງເບິ່ງພຶດຕິກຳທີ່ຫຍຸ້ງຍາກ ໃນມຸມບວກ.

ເອກະສານຄັດຕິດ ຄ: