ຄຳແນະນຳ:

ຂະບວນການນີ້ເປັນພຽງຫົວຂໍ້ໜື່ງທີ່ນໍາເຂົ້າໃນການຝຶກອົບຮົມຂອງທາງສະມາຄົມ ຄືຫົວຂໍ້້ທັກສະການໃຊ້ຊີວິດໃຫ້ທ່ານໄດ້ເຂົ້າເຫັນຄວາມສໍາຄັນຂອງຫົວຂໍ້ນີ້ໃນການຢູ່ຮ່ວມກັນຂອງນັກຮຽນ ເຊິ່ງໄດ້ມີຫົວຂໍ້ຕ່າງໆ ແລະ ບາງຫົວຂໍ້ທີ່ໃຊ້ເວລາຫົວຂໍ້ລະ 1-2 ຊົ່ວໂມງໃນແຕ່ລະອາທິດຈົນຈົບການຝຶກອົບຮົມໃນ 1 ຊຸດ.

ຫຼັງຈາກຄັດເລືອກ ແລະ ຮັບນັກຮຽນມາແລ້ວ ພາຍໃຕ້ການຄຸ້ມຄອງຂອງທາງສູນນັກຮຽນທຸກຄົນຕ້ອງໄດ້ຢູ່ຮ່ວມກັນຈົນສິ້ນສຸດການຝຶກອົບຮົມ

–      ກິດຈະກໍາສ້າງຄວາມລື້ງເຄີຍໃນຫ້ອງຮຽນ, ທີ່ພັກ, ແລກປ່ຽນຊີວິດທີ່ຜ່ານມາຂອງແຕ່ລະຄົນສູ່ກັນຟັງ

–      ຫົວຂໍ້ການສື່ສານ ມີເນື້ອໃນກ່ຽວກັບມຸມມອງຂອງແຕ່ຄົນ, ການຫຼີກລ້ຽງຂໍ້ຂັດແຍ່ງ, ມາລະຍາດການເວົ້າ

–      ການໃຊ້ຊີວິດຮ່ວມກັນ, ການຊ່ວຍເຫຼືອກັນ, Team work

–      ທັກສະການວາງແຜນໃນອະນາຄົດ

–      ຄວາມຮູ້ພື້ນຖານກ່ຽວກັບຢາເສບຕິດ: ໃນຫົວຂໍ້ຈະໄດ້ເວົ້າເຖິງ ປັດໄຈສ່ຽງຕໍ່ການຕິດຢາເສບຕິດ, ຜົນເສຍຂອງຢາເສບຕິດ, ການສັງເກດຄົນທີ່ຕິດຢາເສບຕິດ, ວິທີປ້ອງກັນ

–      ຫົວຂໍ້ ພື້ນຖານສິດທິເດັກ, ສິດທິມະນຸດ, ສິດທິຄົນພິການ, ການເຄື່ອນຍ້າຍແຮງງານຜິດກົດໝາຍ, ໂພສະນາການ ທາງເລືອກອາຫານ

–      ການແກ້ໄຂອາການຊືມເສົ້າ, ອອກກໍາລັງກາຍ, ວິທີປ້ອງກັນການຕິດເຊື້ອ HIV

–      ການບໍລິຫານການເງິນ (ລາຍຮັບ-ລາຍຈ່າຍ)

–      ການຂຽນ CV

–      ຊ່ອງທາງການມີວຽກເຮັກງານທໍາ

–      ການນໍາພາກິດຈະກໍາ ເຊັ່ນ: ໃຫ້ນັກຮຽນໄດ້ຮ້ອງເພງ, ເປັນຜູ້ນໍາພາເກມ

         ກິດຈະກໍາເພື່ອນອກສະຖານທີ່ ເຊັ່ນ: ແຂ່ງຂັນກິລາ, ແຂ່ງຂັນສິລະປະ (ບາງຄັ້ງມີຫຼາຍໜ່ວຍງານເຊີນໄປສະແດງ), ສະແດງລະຄອນ, ກິດຈະກໍາແລກປ່ຽນຕ່າງໆ